Por Galicia Confidencial | Compostela | 21/02/2019 | Actualizada ás 15:33
O presidente da Xunta, Alberto Núñez Feijóo, amosou este xoves o desexo do seu goberno de que as esculturas do mestre Mateo que están en posesión da familia Franco volvan a Galicia, tal e como pide o Concello de Santiago.
Preguntado sobre a sentenza que non lle deu a razón ao concello, senón a familia, Feijóo suliñou que agarda que prospere o recurso que anunciou o goberno municipal de Santiago. “Nós queremos que as esculturas sexan patrimonio de todos os galegos e tamén que o concello tivera éxito no seu proceso xudicial”, dixo. “Agardamos que agora teña máis éxito que coa primeira sentenza”, engadiu sobre o novo recurso.
Con todo, foi crítico co rexedor compostelán, Martiño Noriega, polas súas declaracións contra o conselleiro de Cultura, Román Rodríguez, que puxo en dúbida a estratexia xudicial do concello. “Vai ser agora que o alcalde de Santiago é un eminente xurista”, ironizou Feijóo defendendo a Rodríguez e lembrando que as súas declaracións se basean nos informes da asesoría xurídica da Xunta.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.