O líder do PPdeG recoñece que “lle preocupan” as enquisas e pide concentrar o voto útil no PP e non en Vox ou C's
Advirte dunha situación de ingobernabilidade despois do 28 de abril.
Por Galicia Confidencial | Compostela | 28/02/2019 | Actualizada ás 18:03
A división do voto da dereita. Iso é o que máis lle preocupa ao presidente da Xunta, Alberto Núñez Feijóo, que teme que o voto do PP que poida acabar en Ciudadanos ou en Vox propicie unha situación de ingobernabilidade, tal e como pronostican todas as enquisas.
Por iso, e por primeira vez de xeito oficial, Feijóo recoñeceu que “lle preocupan” as distintas enquisas que se están publicado sobre a posibilidade de que o PP perda case a metade de votos e escanos e pase a ser a segunda ou mesmo terceira forza no Congreso. "Preocupannos as enquisas que se están publicando, non precisamente a de Tezanos”, dixo en alusión ao director do CIS.
Así, suliñou que a división do voto pode propieciar unha situación de “ingobernabilidade” en España, e por iso fixo un chamamento ao voto útil, en alusión ao PP, para evitar que “haxa un goberno de unha parte dos españois”.
