Por E.P. | | 21/03/2019 | Actualizada ás 15:35
O líder do PP, Pablo Casado, prevé que os ata agora deputados galegos Pilar Rojo e Miguel Lorenzo Torres formen parte das candidaturas ao Senado polas provincias de Pontevedra e A Coruña, respectivamente, para as eleccións xerais do próximo 28 de abril, segundo sinalaron fontes da dirección estatal.
Aínda que 'Génova' está a ultimar as candidaturas ao Congreso e ao Senado --o luns 25 de marzo é a data tope para rexistralas ante as Xuntas Electorais--, fontes do partido sinalaron que "moi posiblemente" Rojo será cabeza de cartel ao Senado.
Rojo, que foi presidenta do Parlamento galego e sempre mantivo vinculación con Mariano Rajoy, deixaría nese caso a Cámara Baixa para formar parte dos "senadores do 155", como os definiu Pablo Casado.
Da mesma maneira, fontes do partido sinalaron que se prevé que o coruñés Miguel Lorenzo Torres, que foi deputado no XI e XII lexislatura, deixa tamén o Congreso dos Deputados para formar parte da lista ao Senado pola súa circunscrición.
Ata agora, o PP só fixo públicos as cabezas de lista do Partido Popular ao Congreso. No caso de Galicia, son os seguintes: Ana Pastor (Pontevedra), Marta González (A Coruña), Ana Belén Vázquez (Ourense) e Jaime de Olano (Lugo).
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.