Traballadores de Navantia critican que a dirección trate de aplicar agora condicións diferentes ás do ERE de 2005
A parte social asegura que pactaran que as saídas anticipadas serían iguais ás realizadas hai 14 anos.
Por E.P. | SANTIAGO DE COMPOSTELA | 22/03/2019 | Actualizada ás 12:02
Os integrantes do comité intercentros da empresa naval pública Navantia, que son os encargados de negociar o Expediente de Regulación de Emprego (ERE) que afectará a todos os operarios de 61 anos ou máis da compañía pertencente á Sociedade Estatal de Participacións Industriais (SEPI), transmitíronlle aos responsables da empresa que agardan a que lles presente o documento definitivo nos mesmo termos que no ano 2005, ou pola contra "non continuaremos negociando".
Así os aseguraron a Europa Press fontes sindicais, que indicaron que por parte da compañía que preside Susana de Sarriá quérese "dar por finalizada a negociación a próxima semana", pero que pola parte social trasládase que "isto non vai ser igual que o plan industrial". "Xa que imos a marchas máis lentas", engadiron.
"Non imos asinar un ERE aprisa e correndo", advertiron, xa que os representantes dos traballadores reclaman que "se recolla todo o que aparecía no expediente anterior, e no momento que apareza, e o que queiran aumentar ou quitar que o expoñan e estudarémolo, pero o documento de partida ten que ser o de 2005, tal e como tiñamos acordado".
Fontes sindicais tamén apuntaron que "nas próxima semanas" quedaron " para un novo encontro", concretamente o xoves día 28
RETENCIÓNS
Ademais, a empresa xa trasladou á parte social que en función das necesidades o plan de retención está cuantificado en 97 persoas. Para iso, a dirección porase en contacto cos afectados, que serán retidos un máximo de seis meses, tomándose nestes casos estas decisións ao estimar que estes operarios, debido ás encomendacións asignadas, deben de realizar un tránsito para cesar na súa actividade.
