Por Galicia Confidencial | | 11/01/2012 | Actualizada ás 01:09
“O galeguismo e o nacionalismo político do século XXI ao servizo da cidadanía galega”. Este é o título do manifesto que un grupo de alcaldes do Bloque presentará este mércores ao mediodía en Compostela.
O lanzamento deste documenton anúnciase do mesmo xeito que a presentación do texto “Desde os concellos facendo País gran a gran” no mes de agosto. Daquela asinaron o manifesto os alcaldes de Teo, Tomiño, Ribadeo e Castrelo de Miño; todos eles próximos ás correntes de Máis Galiza e do Encontro Irmandiño.
O anterior texto reclamaba un cambio de rumbo no Bloque para conquistar novos espazos sociais. O manifesto acendeu un intensa debate sobre a liña política da fronte, gobernada democraticamente dende hai lustros pola UPG, a formación comunista máis numerosa no nacionalismo.
Tras as duras críticas recibidas dende a UPG, os alcaldes preferiron calmar o debate ao coñecerse o anuncio das eleccións xerais, nas que o BNG mantivo deputados e representantes pero non foi quen de sacar tallada da gran caída do PSdeG.
O próximo 28 de xaneiro o Bloque organiza a Asemblea Xeral adiada no seu día polos comicios estatais.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.