Temperaturas de agosto a comezos de maio

Galicia estará este domingo baixo a influencia das altas presións, con ceos pouco anubrados ou despexados e temperaturas máximas que irán en ascenso.

Segundo a información de Meteogalicia, as mínimas estarán sen cambios, pero as máximas subirán e chegarán a superar os 30 graos nalgúns puntos da comunidade.

O vento soprará de compoñente leste, frouxo en xeral excepto no litoral norte, onde será forte.

Predicións meteorolóxicas para este domingo: ceos pouco anubrados ou despexados e máximas en ascenso que chegarán a 30º. METEOGALICIA | Fonte: Europa Press