Continúa a busca do mozo desaparecido desde o xoves en Santiago
SOS Desaparecidos publicou en redes sociais a alerta da desaparición deste rapaz de 22 anos, que mide 1,80 metros e é de complexión delgada. Ten os ollos castaños e media perilla.
Por Europa Press / Redacción | SANTIAGO DE COMPOSTELA | 05/06/2019 | Actualizada ás 11:20
A Policía Nacional prosegue as pescudas para localizar ao mozo de 22 anos de idade Álex Mouzo Díaz, que permanece desaparecido desde o pasado xoves 30 de maio en Santiago de Compostela, día festivo na capital galega debido ás Festas da Ascensión.
Segundo confirmaron a Europa Press fontes policiais, "non hai un dispositivo de procura" con medios de rastrexo despregados, senón que a Unidade de Delincuencia Especializada e Violenta (UDEV), que se encargada das desaparicións, procedeu a solicitar testemuños de posibles testemuñas e a buscar pistas.
A investigación púxose en marcha despois de que na Comisaría de Santiago se presentase a denuncia de desaparición deste mozo, procedente do municipio de Carnota, pero que reside na capital galega.
SOS Desaparecidos publicou en redes sociais a alerta da desaparición deste mozo de 22 anos, que mide 1,80 metros e é de complexión delgada. Ten os ollos castaños e media perilla.
