Por Europa Press / Redacción | Santiago de Compostela | 24/07/2019 | Actualizada ás 18:32
O Parlamento de Galicia fixou para o vindeiro venres, día 26 de xullo, a Xunta de Portavoces na que se decidirá a data do pleno extraordinario no que se abordará o nomeamento da nova valedora do Pobo tras a renuncia de Milagros Otero.
A reunión terá lugar despois de que este mércores o Grupo Parlamentario Popular solicitase a celebración tanto dun pleno extraordinario como da Comisión de Peticións, órgano que debe dar conta da proposta do PPdeG para designar á maxistrada María Dores Fernández Galiño como nova titular desta institución.
Neste pleno extraordinario, o Partido Popular necesita do apoio dalgún dos grupos da oposición --PSdeG, En Marea e BNG-- para que a súa proposta salga adiante, xa que os seus 41 deputados non son suficientes para alcanzar a dita maioría cualificada, fixada en 45. Ademais, a sesión incluirá, tamén a proposta dos populares galegos, o debate da Lei de Patrimonio Natural de Galicia para a súa aprobación no pleno. Fontes populares consultadas por Europa Press explicaron que o pleno terá lugar a próxima semana e que, en principio, na orde do día só figuraranse estes asuntos.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.