Martiño Noriega non se pronuncia sobre se Anova debe presentarse ás xerais para "non condicionar" o debate

"No seu momento (a dirección de Anova) fará a formulación que consideren e eu non vou condicionalo. Paréceme pouco responsable facelo", subliñou Noriega.

Por E.P. | SANTIAGO DE COMPOSTELA | 19/09/2019 | Actualizada ás 14:05

Comparte esta noticia

O portavoz de Compostela Aberta e exalcalde de Santiago, Martiño Noriega, evitou pronunciarse sobre se o seu partido político, Anova, debe presentarse ás eleccións xerais despois de non facelo nos comicios do pasado mes de abril tras fracasar as negociacións para a súa inclusión na coalición En Común, formada por Esquerda Unida e Podemos.

A preguntas dos medios este xoves nunha comparecencia de prensa celebrada no Concello de Santiago, Noriega sinalou que lle parece "pouco responsable" expresar a súa postura persoal cando se atopa "desconectado do ámbito galego e estatal".

O exalcalde de Santiago e Teo é un dos referentes da organización nacionalista nada en 2012, aínda que abandonou a primeira liña do partido a comezos de 2017 para centrarse na política local.

Este xoves, un día despois de que Anova emitise un comunicado no que deixa a porta aberta a volver presentarse ás xerais, Noriega apelou a "non facer valoracións desde o local" sobre as decisións do partido no que milita. "No seu momento (a dirección de Anova) fará a formulación que consideren e eu non vou condicionalo. Paréceme pouco responsable facelo", subliñou Noriega.

O portavoz municipal de Compostela Aberta, Martiño Noriega
O portavoz municipal de Compostela Aberta, Martiño Noriega | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 1 comentario

1 Antighorrechas

Que te pires.