Investigan supostos abusos sexuais a unha moza en Ribeira
A muller denunciou que na noite do sábado ao domingo pasado un individuo, do que descoñece a identidade, a abordou nun canellón con "pouca visibilidade".
- Rebaixan a dous anos de cárcere a condena para o autor confeso de abusos sexuais a unha menor
- Piden máis de trinta anos de condena para un acusado de abusos sexuais a tres sobriñas
Por E.P. | SANTIAGO DE COMPOSTELA | 08/10/2019 | Actualizada ás 10:05
A Policía Nacional da Comisaría de Ribeira (A Coruña) abriu unha investigación polos abusos sexuais denunciados por unha rapaza ocorridos supostamente na noite do sábado ao domingo nesta localidade.
Segundo informaron a Europa Press fontes próximas á investigación, a moza denunciou que na noite do sábado ao domingo pasado un individuo, do que descoñece a identidade, a abordou nun canellón con "pouca visibilidade".
As mesmas fontes indicaron que a moza, ao ser agarrada polo individuo, que lle "fixo tocamentos", logrou zafarse e fuxir do lugar onde fora abordada.
Por iso, a Policía Nacional investiga os feitos denunciados pola moza na Comisaría de Ribeira co fin de identificar o autor dos mesmos.
