Identificado un home que portaba dous puñais de dobre fío e un coitelo de 15 centímetros pola rúa
Doutra banda, un patinete eléctrico con asento viuse implicado xunto cun turismo nun accidente de tráfico sen feridos este venres na Coruña.
Por E.P. | SANTIAGO DE COMPOSTELA | 19/10/2019 | Actualizada ás 19:21
A Policía Local da Coruña identificou e propuxo para sanción un home que portaba dous puñais de dobre fío e un coitelo de aproximadamente 15 centímetros de folla pola vía pública.
Así, segundo indicou a Policía nun comunicado, o suceso ocorreu ao redor das 09,50 horas deste venres, cando se requiriu dunha patrulla policial para que se trasladase ao polígono da Grela "onde ao parecer había unha persoa indisposta".
Unha vez no lugar, os axentes atopáronse a un veciño da cidade de 42 anos de idade que presentaba "signos evidentes" de estar baixo a influencia de sustancias estupefacientes e "non necesitaba atención sanitaria".
"Despois de ser identificado realizóuselle un cacheo superficial no que se lle interviñeron tres armas brancas: dous puñais de dobre fío e un coitelo de aproximadamente 15 cm de folla", indicou a Policía.
Por todo iso foi proposto para sanción por portar armas prohibidas na vía pública e os obxectos foron intervidos e depositados nas dependencias policiais.
ACCIDENTE
Doutra banda, un patinete eléctrico con asento viuse implicado xunto cun turismo nun accidente de tráfico sen feridos ocorrido este venres minutos antes das 15,00 horas na rúa coruñesa de Gómez Zamalloa.
Así, segundo a Policía Local, o suceso produciuse cando o automóbil, que circulaba pola devandita rúa, freou e comezou a realizar unha manobra de xiro á dereita para acceder a un garaxe. Nese momento, o patinete chocou contra el.
