Por Europa Press / Redacción | Santiago de Compostela | 14/11/2019 | Actualizada ás 15:17
A rede eléctrica de Naturgy rexistrou picos de ata 8.000 clientes afectados por cortes na subministración eléctrica ao longo da mañá deste xoves a causa do temporal de vento e choiva que afecta a Galicia.
Segundo fontes da compañía, as áreas máis afectadas polos cortes de subministración eléctrica foron os municipios coruñeses de Oleiros e Miño e a costa do sur de Pontevedra, especialmemte Vigo e Nigrán.
Así, ao longo da mañá o número de clientes afectados por cortes de subministración moveuse entre os 5.000 e os 8.000.
Con todo, fontes de Naturgy aseguran que a situación está "normalizada" e que as brigadas traballan en colaboración cos servizos de emerxencia (Protección Civil, Policía Local) para restablecer a subministración naqueles puntos que permanecen sen corrente.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.