As perigosas medusas carabelas portuguesas chegan a praias do Grove
As súas picaduras son perigosas.
Por Europa Press / Redacción | PONTEVEDRA | 30/11/2019 | Actualizada ás 19:18
O 112 Galicia alertou da presenza de carabelas portuguesas nas praias da Barosa, Pirata e Canelas, no municipio pontevedrés do Grove.
Ante iso e a pesar de que moitos dos exemplares apareceron mortos, procedeuse á instalación de carteis informativos co obxectivo de disuadir a calquera persoa de acceder á praia debido para os efectos que pode causar a picadura destas carabelas.
A través do seu perfil de 'Twitter', o 112 Galicia lembra que a picadura dos exemplares desta especie, tamén coñecidos como falsas medusas, é moi "urticante".
Ante o caso dunha picadura aconsella lavar a ferida con abundante auga salgada e retirar os filamentos con pinzas ou elementos ríxidos, como un cartón. Ademais, recomenda aplicar frío na zona.
APARICIÓN EN VIGO
Ademais, o Centro Integrado de Atención ás Emerxencias informou de que, ás 17,30 horas deste sábado, un bañista avisou de que atopara animais de aspecto similar na Praia da Fontiña, en Vigo.
nte iso, o persoal do 112 puxo os feitos en coñecemento da Policía Local.
