A DGT prevé máis de 2 millóns de desprazamentos na rede viaria galega na operación de Nadal
O operativo especial desenvolverase entre as 15:00 horas do día 20 e as 24:00 horas do luns 6 de xaneiro.
Por E.P. | SANTIAGO DE COMPOSTELA | 17/12/2019 | Actualizada ás 19:43
A Dirección General de Tráfico (DGT) prevé máis de dous millóns de desprazamentos na rede viaria de Galicia durante a operación especial de Nadal que comeza este venres, 20 de decembro.
En concreto, segundo informou a DGT, o noroeste peninsular, rexistrará un 11% dos 19.800.000 movementos previstos entre este venres, día 20, e o luns 6 de xaneiro no conxunto do Estado.
O operativo especial de Nadal desenvolverase, en concreto, entre as 15:00 horas deste venres día 20 e as 24:00 horas do luns 6 de xaneiro, Día de Reis. As tres fases divídense nunha primeira entre o 20 e 25 de decembro (Nadal); a segunda, do 27 de decembro ao 1 de xaneiro (Fin de Ano) e a terceira entre o 3 e 6 de xaneiro (Reyes).
As estradas con maior intensidade de tráfico nesta operación especial de tráfico corresponderanse coa autoestrada AP-9; as autovías A-6, A-52 e A-55; e as vías N-550 e N-634.
