O Consello Escolar de Galicia aproba propostas para reforzar o persoal de atención á diversidade
Por E.P. | SANTIAGO DE COMPOSTELA | 18/12/2019 | Actualizada ás 18:59
O Consello Escolar de Galicia aprobou diversas propostas este martes co obxectivo da Consellería de Educación, Universidade e Formación Profesional mellora a dotación de persoal e de recursos para reforzar a atención á diversidade nos centros galegos.
A sesión plenaria abordou un informe realizado polo Instituto de Ciencias da Educación da Universidade de Santiago de Compostela sobre a situación da atención á diversidade no ensino básico (primaria e secundaria).
No documento, realizando a través de entrevistas a diversos profesionais, advírtese de que unha elevada porcentaxe de especialista advirten de que os recursos humanos dispoñibles para este fin son poucos e apunta a necesidade de mellorar a formación inicial do profesorado, reducir o cociente e dotar de maior estabilidade aos cadros de persoal.
O pleno contou con varias propostas en relación ás conclusións do documento, entre elas da CIG-Ensino. Moitas quedaron aprobadas, como iniciativas de incremento de cadros de persoal, de impulso dun plan de acción preferente para combater o fracaso escolar, mellorar a dotación de orientadores e estabilidade no profesorado de PT e Ao, a redución de alumnos por aula e un programa formativo de atención á diversidade.
A CIG criticou que os representantes da Consellería de Educación e afíns ao PP votaron en contra de varias destas iniciativas, e advertiu que o ditame do Consello Escolar (órgano consultivo, non vinculante) supón "unha emenda á totalidade" da política educativa da Xunta.
