O ano despidese con tempo case primaveral
O ano terminará en Galicia con temperaturas entre catro e cinco graos por encima do habitual.
Por Europa Press / Redacción | SANTIAGO DE COMPOSTELA | 26/12/2019 | Actualizada ás 19:40
O ano 2019 dará paso ao 2020 con tempo estable pola presenza de altas presións na Península, que deixarán ceos pouco nubrados en xeral, case despexados ou con nubes altas, pero con brétemas e néboas matinais. Esta situación dará lugar a que en Galicia se rexistren temperaturas entre catro e cinco graos por encima do normal.
O portavoz do AEMET, Fernando García, explicou que esa será "a tónica xeral polo menos durante unha semana ou o próximos dez días" aínda que as néboas serán persistentes na meseta norte e depresión do Ebro aínda que "levantarán ao mediodía".
De momento, dixo que é "inusual" que nesta última semana do ano non haxa apenas avisos de risco por fenómenos adversos e comentou que para este xoves e venres apenas hai aviso amarelo por fenómenos costeiros en Xirona, con ondas de forza 7 e no Estreito, onde tamén seguirá o aviso por malo mar para este venres. "É inusual nestas datas de decembro un mapa sen avisos", comentou.
Para o último fin de semana do ano, o portavoz espera temperaturas que chegarán, por exemplo, a 15ºC en Madrid; 16ºC en Segovia; 14ºC na Coruña e Zaragoza; a uns 20ºC en Barcelona, Palma de Mallorca ou Alacante; a 22ºC en Badaxoz; 24ºC en Sevilla; e a uns 25 ou 26ºC en Canarias.
"As zonas con temperaturas máis altas respecto das normais serán as dúas mesetas, a parte máis oriental de Galicia e o oeste de Castela e León así como Málaga e Xaén, que terán entre 8 e 10ºC máis do normal", precisou.
