O Parlamento galego pide que o Entroido de Viana do Bolo sexa festa de interese turístico nacional
Na comisión de Turismo, a deputada socialista Noela Branco demandou apoio á Xunta para impulsar os trámites legais e dirixirse ao Goberno central para proceder á declaración, xa que "cumpre con todos os requisitos para recibir" esta distinción, que "fomentaría o impulso económico da rexión".
- Nova polémica en Verín: O cartel "sexista" que indignou ao sindicato de enfermeiras
- Viana do Bolo presenta oficialmente o seu entroido
Por E.P. | Ourense | 06/02/2020 | Actualizada ás 14:54
O Parlamento galego pediu por unanimidade que o Entroido de Viana do Bolo sexa declarado festa de interese turístico nacional.
Na comisión de Turismo, a deputada socialista Noela Branco demandou apoio á Xunta para impulsar os trámites legais e dirixirse ao Goberno central para proceder á declaración, xa que "cumpre con todos os requisitos para recibir" esta distinción, que "fomentaría o impulso económico da rexión".
Ademais, Branco chama a atención sobre como o entroido de Xinzo de Limia acaba de conseguir a distinción de festa de interese turístico internacional, mentres a de Verín é a nivel nacional. En cambio, Viana do Bolo segue á espera.
Lembra que xa no ano 2014 o pleno do Concello de Viana do Bolo, a proposta dos socialistas, demandaron o inicio dos trámites para esta declaración ao cumprirse cuestións como os de festividade histórica, arraigamento e orixinalidade.
