Os visóns, atración turística

A Asociación Nacional de Productores de Visón de España organiza este venres a primeira xornada de portas abertas dunha das súas granxas, que está situada en Pedre-Brión.

A este acto asistirán uns convidados moi especiais; deseñadores de moda, aos que se lle amosará de primeira mán como se cría o visón para “que se familiaricen coa pel como material de traballo”.

Posteriormente, a deseñadora galega Sonia Ríos y el director do estudio de deseño de Kopenhagen Fur, Michael Holm, explicarán aos asistentes “as particularidades do proceso creativo coa pel de visón como materia prima”, segundo a organización.

Protestas

Este acto ten lugar logo da presión de distintos colectivos animalistas contra o sector, algúns dos cales mesmo chegaron a provocar medidas máis contundentes, como a ceiba de miles de exemplares, unha acción considerada delictiva.