Por E.P. | SANTIAGO DE COMPOSTELA | 16/02/2020 | Actualizada ás 19:37
A Dirección Xeral de Emerxencias e Interior activa de novo a alerta laranxa na costa para este luns en Galicia debido ao forte temporal que seguirá afectando todo o litoral durante o día de mañá.
Así, a semana empezará baixo a influencia da borrasca 'Denis' que segundo Meteogalicia poderá crear ondada de entre 5 e 8 metros, sobre todo no Norte da Comunidade.
Ademais, o vento soprará moderado aínda que sentirá máis forte na metade setentrional do territorio galego e acompañará, desta maneira, ao forte mar de fondo que azoutará o litoral. Espérase que a situación mellore durante o martes e se non hai cambios nas previsións, para ese día estará activada a alerta amarela pola mañá.
Ante estas circunstancias, a Xunta lembra a importancia de manterse afastado da liña de costa en xeral, tamén recomenda que se extremen as precaucións e as medidas de seguridade á hora de realizar calquera actividade no mar.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.