Por Europa Press / Redacción | PONTEVEDRA | 19/03/2020 | Actualizada ás 19:01
A Policía Local de Silleda identificou a dous mozos duns 20 anos, veciños desta localidade pontevedresa, que na tarde deste mércores estaban a facer 'botellón'.
Fontes da Policía Local consultadas por Europa Press indicaron que estes dous mozos foron identificados nunha zona apartada da localidade, coñecida como Fonte de Abaixo.
No lugar había máis persoas, pero conseguiron escapar e só estes dous mozos foron identificados. A denuncia por vulnerar as restricións do estado de alarma foi presentada ante a Subdelegación do Goberno.
Ao longo das últimas xornadas, en Galicia foron denunciados varias persoas en distintas localidades por saltar as restricións impostas por mor da crise sanitaria do coronavirus, sobre todo no que respecta a reunións non permitidas en espazos públicos.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.