Por Europa Press / Redacción | A CORUÑA | 06/04/2020 | Actualizada ás 18:40
O Concello de Betanzos (A Coruña) denunciou diversos danos nas zonas verdes do parque do Pasatempo "como consecuencia da presenza de xabaríns", informa. En concreto, explica que este luns pola mañá os servizos municipais revisaron as instalacións, que permanecen pechadas polo estado de alarma, para valorar os danos.
Tamén revisarán o peche metálico que rodea o parque para sustituir o tramo polo que accederon os porcos bravos ao recinto, no que por primeira vez estes animais ocasionan danos nesta zona.
No seu comunicado, o Consistorio lembra que solicitou o ano pasado a Medio Ambiente "actuacións concretas" en varios lugares de Betanzos "polas importantes desfeitas e danos, reforzando a petición que tamén realizaron os propios veciños afectados á Xunta, xunto coa presentación dunha recollida de firmas".
Por outra banda, alude aos danos que os xabaríns "ocasionan en plantacións agrícolas" do municipio ante a incursión destes animais nas parcelas de cultivo.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.