Por X.M. Fernández | Allariz | 23/04/2020 | Actualizada ás 08:35
O Concello de Allariz, en colaboración co centro de ensino -encargado de analizar as necesidades por mor da fenda dixital existente-, traballaron para cubrir as necesidades do alumnado á hora de manter un seguimento óptimo das clases a distancia.
O obxectivo de chegar a toda a xente que o necesitaba foi posible grazas a unha doazón de 20 dispositivos por parte da empresa Primux, á colaboración de particulares que achegaron tamén ordenadores que non usaban, e á compra de dispositivos por parte do propio concello para cederllos ao centro durante esta tempada, mentres as clases se manteñan a distancia.
Un informático de Allariz realizou, de forma altruísta, a posta apunto dos dispositivos para comezar a usalos, traballo ao que se ofreceron de forma desinteresada moitos máis profesionais do sector.
O reparto dos equipos informáticos realizouse grazas ao persoal de Protección Civil, e dende o consistorio agradecen a colaboración de todas as persoas nesta iniciativa.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.