Aprobado o plan de conservación do espazo natural Illas de San Pedro, na Coruña

O Diario Oficial de Galicia (DOG) publicou este martes o decreto polo que se aproba o plan de conservación do espazo natural de interese local Illas de San Pedro, "converténdose no primeiro espazo en obter esta declaración de maneira definitiva na cidade da Coruña", segundo informa a Consellería de Medio Ambiente.

Respecto diso, explica que se trata dun instrumento "que establecerá o réxime de usos e as actividades permisibles, así como as limitacións que se consideren necesarias para garantir a conservación de dito espazo natural".

"O plan de conservación, redactado pola Administración local, establece a normativa e as medidas de xestión necesarias para garantir a conservación dos valores naturais presentes nestas illas nos próximos seis anos", engade.

Illas de San Pedro | Fonte: Google Maps