Por E.P. | A CORUÑA | 10/06/2020 | Actualizada ás 17:16
A Deputación da Coruña, a través da área de Turismo, destinará máis dun millón de euros a entes de xestión turística co fin de contribuír á recuperación do sector, segundo informa coincidindo coa publicación da resolución definitiva este mércores no Boletín Oficial da Provincia (BOP).
Esta partida repartirase entre as 14 propostas que traballan en todo o territorio da Coruña e que reciben axudas de ata 120.000 euros "para a consolidación das súas estruturas administrativas e as actividades que desenvolven ao longo do ano".
A Asociación de Empresarios do Camiño de Santiago a Fisterra-Muxía; a Asociación de Desenvolvemento Rural Mariñas-Betanzos; a Asociación Empresarios e de Promoción Turística de Camariñas ou as Mancomunidades Ría de Arousa-Zona Norte e a Sociedade Mixta de Turismo de Ferrol atópanse entre os beneficiarios.
Por outra banda, o Boletín Oficial da Provincia (BOP) publica tamén este mércores a concesión provisional das subvencións para os servizos de socorrismo en concellos do interior da provincia, un total de 45, e que financia a Deputación con 305.999,86 euros.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.