Soben a 11 os pacientes hospitalizados con COVID en Galicia
Baixan os usuarios de residencias contaxiadas e tamén non hai ningún paciente nas UCIs.
Por Europa Press / Redacción | SANTIAGO DE COMPOSTELA | 11/06/2020 | Actualizada ás 13:00
O número de pacientes con COVID-19 ingresados en hospitais galegos aumentou ata 11, o que supón un máis que este mércores cando había 10, e as Unidades de Coidados Intensivos mantéñense liberadas de casos positivos.
Segundo os datos facilitados polas áreas sanitarias este xoves, na de Vigo indica que de 184 pacientes con COVID-19, cinco atópanse hospitalizados --dous deles no Hospital Álvaro Cunqueiro e tres en Povisa-- e 179 en seguimento domiciliario. Ata a data curáronse 1.980 persoas.
Na área da Coruña e Cee atópanse ingresados tres pacientes con COVID-19 en planta do complexo hospitalario coruñés (Chuac) e non se rexistraron novas altas de momento.
Na área de Lugo os casos activos baixan a 29 --dous menos que o mércores--, dos cales un corresponde a un paciente hospitalizado no HULA e 28 en seguimento domiciliario. Ata a data rexistráronse 28 fallecmientos e 906 altas nesta provincia.
Mentres, na área de Santiago e Barbanza permanecen dous pacientes hospitalizados con coronavirus en unidades convencionais. As persoas curadas sitúanse en 1.655 e as PCR realizadas ascenden a 23.020.
Na área de Ourense 31 pacientes con COVID permanecen a seguimento en domicilio e non hai casos activos hospitalizados. As persoas curadas ascenden a 1.849 e a 132 as falecidas. Ata o momento realizáronse 21.569 PCR.
A área de Pontevedra e O Salnés segue sen pacientes con COVID hospitalizados e os 11 casos positivos activos que rexistra corresponden a persoas en seguimento domiciliario. Desde o inicio do plan de continxencia curáronse 888 pacientes --sen cambios desde o mércores-- e os falecidos sitúanse en 16.
Na área Sanitaria de Ferrol os datos mantéñense como hai 24 horas, con 13 casos activos, todos eles no seu domicilio. Así, seguen en 567 os casos non activos e os falecidos en 33.
RESIDENCIAS
O número de usuarios de residencias de maiores con COVID-19 baixou a 13, tras rexistrarse outras tres altas, e tamén descenderon a 9 os casos de traballadores de xeriátricos afectados, segundo os datos facilitados este xoves polas consellerías de Sanidade e Política Social.
En concreto, recibiron o alta epidemiolóxica dous usuarios da residencia de maiores Concepción Arenal na Coruña e outro do CRAPD I de Vigo, polo que quedan 13 afectados con COVID en varias residencias.
Deste xeito, no centro Santa Teresa Jornet da Coruña hai 12 casos e un no xeriátrico Caser A Zapateira, segundo os datos actualizados polos centros residenciais.
Nas últimas horas tamén se rexistrou o alta de tres traballadores, dous deles no centro residencial Santa Teresa Jornet na Coruña e un na residencia Monterrei en Pereiro de Aguiar (Ourense).
