Por Europa Press / Redacción | OURENSE | 12/06/2020 | Actualizada ás 10:17
Un incendio queimou por completo un alpendre con funcións de taller no que se almacenaba diversa maquinaria e instrumentos musicais no municipio de San Cristovo de Cea (Ourense).
Segundo informou o 112 Galicia, o lume comezou sobre as 5,00 horas deste venres nun inmoble de Vilaseco, en San Cristovo de Cea sen causar danos persoais.
Con todo, destacaron as mesmas fontes, foron "moitos os danos materiais", pois ardeu por completo o interior deste alpendre que se usaba como taller e no que se gardaban instrumentos musicais.
Así mesmo, o lume afectou a estrutura do inmoble, polo que os bombeiros estableceron un perímetro de seguridade para evitar o acceso de persoas e reducir riscos.
Na extinción deste incendio, no que non houbo feridos, traballaron os Bombeiros do Carballiño, voluntarios de Protección Civil da mesma localidade e axentes da Garda Civil.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.