Un gaiteiro tocará todos os días desde a Catedral de Ourense en memoria das vítimas da pandemia

Será ás 11,30 horas desde a torre.

Por Europa Press / Redacción | Ourense | 16/06/2020 | Actualizada ás 19:15

Comparte esta noticia

Un gaiteiro tocará todos os días ás 11,30 horas desde a torre da Catedral de Ourense en memoria das vítimas da pandemia de coronavirus en todo o mundo. A iniciativa parte da Deputación e o Bispado de Ourense, que este sábado oficiará un funeral desde a Catedral por todos os falecidos durante a etapa de confinamento.

Presentación da iniciativa
Presentación da iniciativa | Fonte: Europa Press

Deste xeito, todas as mañás do ano escoitaranse as notas dunha gaita desde o alto da Catedral ourensá en recordo das persoas que perderon a vida durante a pandemia de Covid-19.

Será a partir das 11,30 horas, momento elixido por ser o 11 de marzo de 2020 o día en que a Organización Mundial da Saúde (OMS) declarou a pandemia global ante o avance do coronavirus por todo o mundo.

O obxectivo da iniciativa é "lanzar unha mensaxe de solidariedade a través da linguaxe máis universal, a música, desde un territorio emigrante como Ourense, que ao longo da súa historia se caracterizou por ser un pobo de concordia e unidade", segundo declarou o presidente provincial, Manuel Baltar.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta