O Colexio de Psicoloxía ve unha medida "electoralista" detrás do bono da Xunta para sanitarios
A organización concorda coa necesidade de adoptar medidas que reactiven a hostalaría e o turismo, pero este bono resulta "frívolo e mesmo "humillante" para os profesionais da sanidade, sinalou.
Por E.P. | SANTIAGO DE COMPOSTELA | 24/06/2020 | Actualizada ás 18:20
O Colexio Oficial de Psicoloxía de Galicia uniuse ás críticas ao bono de 250 euros da Xunta para sanitarios, que cualificou de "desatino" e de medida "de cariz electoralista".
Nun comunicado, o colexio afirmou que é "indignante" tentar compensar deste xeito o labor que realizaron e continúan realizando os traballadores da sanidade pública e dos servizos sociosanitarios durante a crise sanitaria por mor da COVID-19.
Nestes meses, destacou, cumpriron coa súa obrigación "en circunstancias moi precarias" e a defensa da sanidade pública "pasa polo compromiso co seu persoal", con contratos estables, prazas "suficientes" e recursos para desenvolver o seu labor "con garantías".
A organización concorda coa necesidade de adoptar medidas que reactiven a hostalaría e o turismo, pero este bono resulta "frívolo e mesmo "humillante" para os profesionais da sanidade, sinalou.
