Marea Galeguista asegura que representa "o centro" e buscará o parlamento "máis plural posible"

"Marea Galeguista quere ser decisiva", salientou Pancho Casal, quen asegurou que "igual que falarán con toda a cidadanía, tamén o fará con todos os grupos políticos".

Por Europa Press / Redacción | SANTIAGO DE COMPOSTELA | 25/06/2020 | Actualizada ás 20:18

Comparte esta noticia

O candidato á Presidencia da Xunta de Marea Galeguista, Pancho Casal, defendeu no arranque electoral, que dá o pistoletazo de saída este xoves cando se cumpra a medianoite, que a coalición, que non fará mitins, buscará un parlamento "o máis plural posible" coa súa alternativa que abarca desde o centro ata a esquerda galeguista.

Así, Casal asegurou que son a "alternativa" daquelas persoas que, como se di "vulgarmente", non quere ir votar "co nariz tapado" o próximo 12 de xullo e asegurou que a súa opción política está aberta a "falar" con todos. É máis, reivindicou o feito de que xa fosen capaces de formar unha coalición para subliñar a súa capacidade de dialogar con outras opcións políticas.

Así mesmo, Pancho Casal remarcou que Marea Galeguista --a coalición que forman En Marea, Compromiso por Galicia e Partido Galeguista-- dedicarán estes 15 días de carreira cara ás urnas a "falar" coa xente, tamén con aqueles que elixiron noutras ocasións ao PPdeG de Alberto Núñez Feijóo, cun lema: "Fagámolo".

Esta proclama de campaña, indicou, pretende exemplificar a intención de Marea Galeguista de levar a cabo as propostas que se soliciten tras "escoitar" os cidadáns, á marxe das promesas electorais que non se cumpren.

Pola súa banda, Peque González explicou que o programa recolle 20 puntos esenciais que atenden a emerxencia feminista, social, ambiental e democrática. En canto á cuestión ambiental, explicou que, de feito, a formación evitará a repartición de trípticos electorais e imprimiu menos carteis dos habituais, por ecoloxía, e co único obxectivo --dixeron-- de chegar a aqueles puntos da xeografía galega onde non se pode facer coas novas tecnoloxías.

"PARLAMENTO MÁIS PLURAL"

"O obxectivo da campaña é ter un parlamento o máis plural posible, para o desenvolvemento económico e social de Galicia", explicou na súa intervención, Pancho Casal, quen indicou que Galicia debería contar con 20.000 millóns de orzamento --10.000 de Europa e outro tanto do Estado-- para a reconstrución post coronavirus.

"Marea Galeguista quere ser decisiva", salientou Pancho Casal, quen asegurou que "igual que falarán con toda a cidadanía, tamén o fará con todos os grupos políticos".

Así, asegurou que representan "o centro da política en Galicia, con xente galeguista, que quere dialogar con calquera cidadán, cun forte contido progresista e social e que vai desde o centro galeguista ata a esquerda galeguista". "Se nos puxemos de acordo antes, é verosímil que podemos facelo despois", sentenciou.

Pancho Casal e Peque González, de Marea Galeguista, no arranque electoral
Pancho Casal e Peque González, de Marea Galeguista, no arranque electoral | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 2 comentarios

2 Desfeita

Se chegan onde non chega a estrella vermella do Bloque, benvidos sexan, mais dubido de que esa maioría dos galegos que non le GC chegue a saber sequera da súa existencia. Se cren o que din e teiman, quizá dentro de catro anos...

1 Alienao

Sodes o centro dun turbio sucedáneo.