Os danos do parque eólico de Xesteiras

O Fervedoiro denuncia os problemas do novo parque que se quere instalar en Cuntis.

Por Galicia Confidencial | Cuntis | 14/02/2013 | Actualizada ás 10:08

O proxecto do parque eólico do Xesteiras atópase en exposición pública no concello de Cuntis ata este venres, día no que remata o prazo para presentar alegacións a nivel municipal. Aproveitando esta circunstancia, a asociación O Fervedoiro acaba de remitir un comunicado no que alerta dos perigos desta nova infraestrutura eólica.

Así, denuncian que, afectará a fauna local, concretamente, a aves protexidas pola Normativa de Ámbito Mundial (e igualmente pola Normativa Europea e a do Estado Español); anfibios, tamén protexidos (Directiva 92/43/CEE del Consejo, de 21 de mayo de 1992, relativa a la conservación de los hábitats naturales y de la fauna y flora silvestres; contemplados no Catálogo Galego de Especies Ameazadas; e algúns incluídos no Convenio de Berna e na Listaxe de Especies Silvestres en Réxime de Protección Especial); coenagriónidos (recollidos no “Libro Rojo de los Invertebrados de España”, 2006). Precisamente, colaboran con Naturgalicia para a elaboración un catálogo de especies afectadas.

Tamén apuntan a destrución de ecosistemas moi ricos como brañas de montaña e lagoas coa "remoción de cantidades inxentes de terras, apertura de vías para acceso de maquinaria pesada e que, posteriormente, serán empregados por determinado tipo de vehículos que axudarán a escorrentar a fauna autóctona". Neste sentido, alertan do efecto na xeración de campos electromagnéticos que non só poden afectar á fauna (aves migratorias, por exemplo), senón incluso ao ser humano. "Quen negue que isto non ha afectar en mamíferos como os cabalos salvaxes do Xesteiras estará a negar unha evidencia, o son será enxordecedor e quizais haberá quen considere que os animais se habitúan a todo, tal e coma nós nos habituamos a que nos saqueen e furten os dereitos", aseguran.

Efectos na paisaxe e no patrimonio

O Fervedoiro tamén critica que este parque terá un efecto visual "negativo" na paisaxe, "xa que o medio ambiente non é só o conxunto de especies animais e vexetais que existe nun determinado territorio senón, igualmente, os hábitats (que non se deberan alterar), as xeografías e as paisaxes". E é que os 11 aeroxeradores que se erguerán no monte afectarán dende as proximidades da Pedra da Aguia (quizais un abrigadoiro natural de época prehistórica) até a dorsal que discorre polo val de Vea (pasando por Santo André, Frades).

Neste sentido, apunta que tamén terá incidencia na conservación do patrimonio histórico artístico. Ademais de á Pedra da Aguia, afectará aos testemuños megalíticos alí existentes (unha mámoa e o seu respectivo dolmen case seguro que serán desfeitos, así coma outros grandemente afectados). Así, esta asociación insiste en que o anexo sobre este tipo de patrimonio para nada se tivo en conta a presenza de testemuños da Idade do Bronce (petróglifos que teñen un grao de protección BIC), algún que outro castro e restos medievais (de mosteiros e fortalezas).

Consecuencias económicas

Finalmente, indica que terá consecuencias económicas e sociais xa que dende hai anos, di O Fervedoiro, "apóstase por unha política catastrófica no que atinxe á explotación dos recursos enerxéticos, sempre orientada cara unha perspectiva privada, alleándonos dos recursos para fornecer de caudais os petos privados".

Por iso, O Fervedoiro –en colaboración con Naturgalicia– anuncia que "non pode nin debe calar" e anuncia medidas de protesta contra este parque.

2 Da Terra

O voluntarismo ou amateurismo non son excusa para respetar o código deontolóxico do xornalismo que exixe a contrastar os datos con cantas fontes sexan necesarias. Ate que esto non é así non se pode publicar una nova ou neste caso unha información xornalística. Hipócrita é pedir cartos por un traballo amateur. E se queres falar de estorbos, a información desta reportaxe está a impedir que a xente teña unha información clara sobre un parque eólico no que está a traballar moita xente, que neste caso, si que é profesional. Así que si se quere sacar a diante un xornal hai que empezar por ser rigurosos e veraces.

1 Da Terra

Falar de código deontolóxico do xornalismo nos tempos que corren só pode sair deo Gabinete de prensa de alguns. A nova, fai-se eco dun comunicado dunha asociación. Queres decir que non recolleron ben o que di ese comunicado? Non foi O Fervedoiro quen o fixo? Non estan a falar dun parque eólico? Logo onde está a falta de información? Ahhhh que ti, desde o salario da empresa ou xunta queres que cada vez que falan en contra do parque tamen poidades decir vós as vosas cousas (ou mentiras, ou chanchullos, ou sobres); pois comezartei a crerte o dia que calquera dos xornais que tampouco miran moito polo código deontolóxico escreva-lles para que tamen publiquen a opinión do fervodoiro, aparte da da túa empresa.

2 Da Terra

Sintoo moito. A miña opinión é libre e non está vencellada a ningunha empresa, administración ou asociación. As veces leo esta publicación e chámame a atención como lle dades eco a colectivos de escasa representatividade, sen informar da capacitación dos mesmos para afirmar o que afirman e sen consultar as partes afectadas sen prever o dano que se pode estar causando. Como sempre o perxudicado é o lector. E non me vale aquelo de que os outros son iguais (Por certo afirmación que implicita o recoñecemento da parcialidade ideolóxica do artigo)

1 Da terra

A persoa que escribiu este artigo debería voltar o primeiro curso de periodismo. ¿Onde está a información sobre a asociación? ¿Canta xente representa? ¿Qué formación teñen? Non se lle de oportunidade a parte acusada de facer unha réplica. Parece, con estas noticias así redactadas, que GC ten unha liña editorial o respecto. Máis eu non me considero que me estén informando ben

1 fusquenllagz

é así como che ensinaron no cursillo para madeiro frustrado?? pois vas ter que voltar porque pouco aprendiches meu querido amago de represor

2 Ameneiro

Ás vezes, un pouco de facer traballar o cerebro de un mesmo e que non cho dean trillado, tamén funciona. Se tanto queres coñecer as outras versións, te-lo moi facil, en calquera xornal dos que pagamos ti e eu cos nosos impostos, só aparece a versión dos outros, logo de ler a da Asociación aqui, xa estas listo para facer o resumo ao que poidas chegar.

3 Lenguda

Enterao: A asociación é O Fervedoiro. Polo menos dan o nome, non coma a suposta asociación pro-mina de Corcoesto que nin se sabe quen son. E como que non se dá dereito de réplica? Xa estás ti a replicar. O que non tes son argumentos de tipo ningún. Xa que estás en desacordo, explícanos a túa postura (e de paso algo de periodismo para que aprendamos). Anda para casa!

4 Lenguda

Sigo á espera da túa réplica e dos teus argumentos.

5 Da terra

Cando leo unha noticia gústame que me informen non que me manipulen. O proxecto está a avaliarse ambientalmente e O Fervedeiro tería a súa posibilidade para alegar o que considere oportuno e a empresa promotora ten a posibilidade de contestar as alegacións. Se a prensa rouba este dereito ás partes estalle a roubar a cidadanía o debate Cunha simple chamada chega

6 Do Ceo

e quen dixo que non se presentaran alegacións por parte do Fervedoiro? ou que xa rematara o prazo? vendo a nova vexo que remata a nivel local o cal non quere decir que non haxa máis prazos noutras instancias.

7 xabarín

sete anos leva ese colectivo traballando e ven este aquí a dala cara!!!hahahaha

8 Da terra

Eu non critico a Fervedoiro. Eles saberán o que fan e ata pode que teñan razón. Métome con este medio de comunicación que nin se molesta en buscar a réplica da outra parte implicada, roubandolle ós lectores a posibilidade de sacar as súas propias conclusións. ¿Non credes que o periodista debería ter preguntado o promotor eólico se o qué afirma O Fervedoiro é correcto e se tiñan algo que decir o respecto? Parece que neste pais a prensa recolle sempre as acusacións pero non lles interesa xamáis averiguar se son certas ou non

9 Da terra

Criticar un medio de comunicación que funciona nunha boa parte polo voluntarismo, xa que os ingresos que ten son basicamente os dos seus suscriptores, e ao mesmo tempo non axudar economicamente ao proxecto (ou rexistrarse, que non costa) é cando menos hipócrita. Se queres algo, traballa por consegue-lo, ou polo menos, non estorbes.

10 Da Terra

O voluntarismo ou amateurismo non son excusa para respetar o código deontolóxico do xornalismo que exixe contrastar os datos con cantas fontes sexan necesarias. Ate que esto non é así non se pode publicar una nova ou neste caso unha información xornalística. Hipócrita é pedir cartos por un traballo amateur. E se queres falar de estorbos, a información desta reportaxe está a impedir que a xente teña unha información clara sobre un parque eólico no que está a traballar moita xente, que neste caso, si que é profesional. Así que si se quere sacar a diante un xornal hai que empezar por ser rigurosos e veraces

11 Da Terra

Falar de código deontolóxico do xornalismo nos tempos que corren só pode sair deo Gabinete de prensa de alguns. A nova, fai-se eco dun comunicado dunha asociación. Queres decir que non recolleron ben o que di ese comunicado? Non foi O Fervedoiro quen o fixo? Non estan a falar dun parque eólico? Logo onde está a falta de información? Ahhhh que ti, desde o salario da empresa ou xunta queres que cada vez que falan en contra do parque tamen poidades decir vós as vosas cousas (ou mentiras, ou chanchullos, ou sobres); pois comezartei a crerte o dia que calquera dos xornais que tampouco miran moito polo código deontolóxico escreva-lles para que tamen publiquen a opinión do fervodoiro, aparte da da túa empresa.