A CIG denuncia que a Xunta non vai ampliar as prazas de profesores de atención preferente para o próximo curso

A CIG-Ensino denuncia que a Consellería de Educación, Ciencia, FP e Universidades "non vai convocar" o concurso específico de prazas para profesores de atención preferente para o próximo curso, senón que prorrogará a vinculación dos que debían finalizar este ano. Por tanto, critica que non se ampliarán as prazas, ao quedar sen ofertar "todas as novas necesidades".

Segundo explica o sindicato nun comunicado, é a Inspección a que "está a informar aos centros" destas prórrogas. Se non se convocan máis postos, suporá "unha regresión inadmisible nos dereitos do alumnado máis vulnerable".

A CIG considera que estas prazas son "un parche" para as "numerosas necesidades non atendidas" por parte do profesorado definitivo nos centros, pero si permiten atender aos nenos con necesidades educativa "graves e permanentes".

Ademais, sen o concurso específico, os centros "veranse obrigados a cubrir estas necesidades mediante vacantes provisionais durante un único curso con persoal que non terá por que posuír a formación idónea", o que "pon en risco a inclusión do alumnado afectado".

Neste contexto, á parte de reclamar a convocatoria deste procedemento, a CIG reclama á Xunta que cre "máis prazas" de profesor de pedagoxía terapéutica (PT) e atención e linguaxe (Ao)/Ao) con carácter definitivo.

"DIVERSOS PROCEDEMENTOS DE ASIGNACIÓN"

Tras o comunicado da CIG, a Consellería de Educación, consultada por Europa Press, sinala que conta con "diversos procedementos de asignación de recursos" para dotar de profesorado de apoio aos centros. Por exemplo, a través das oposicións que se celebrarán en xuño --93 prazas entre PT e Ao-- e co concurso de adxudicación de destinos provisionais.

Ademais, lembra que recentemente o Consello da Xunta aprobou a nova estratexia de inclusión educativa. Neste marco, para o próximo curso non haberá concurso de atención preferente, senón que se ofrecerán prórrogas. Isto "non significa ningún tipo de redución de persoal, pois os datos sinalan de feito todo o contrario".

Respecto diso, Educación reivindica que, desde 2009, hai "o dobre" de especialistas na O e PT, con "un total de 5.000", o que permiten afirmar que o galego é o sistema educativo "máis inclusivo de España, segundo o Ministerio".

"Estamos afeitos a que cada ano, antes do inicio dun novo curso, determinadas organizacións traten de transmitir a idea de que os centros non van contar cos recursos necesarios", replica a Consellería.

Profesores saen á rúa en Ourense contra o 'desprezo' á súa profesión e en apoio á súa compañeira do IES As Lagoas.. CIG