Esquerda Unida reclama un novo estatuto de autonomía para Galicia que "blinde dereitos e protección social"
Reivindica o "papel protagonista" xogado polo Partido Comunista de Galicia no Estatuto de 1936.
Por Europa Press / Redacción | Santiago de Compostela | 25/07/2020 | Actualizada ás 16:48
Esquerda Unida, federación galega de Esquerda Unida, aproveitou a celebración do Día de Galicia para reclamar un novo estatuto de autonomía para a comunidade que sirva para "blindar dereitos e protección social".
A través dun manifesto, EU --inmersa nun debate interno tras o trompazo electoral da coalición Galicia En Común o pasado 12 de xullo-- propón "recuperar a vella e non tan vella proposta" de avanzar cara aos "consensos" que dean luz un novo estatuto.
"Levamos moitos anos desde a aprobación do actual Estatuto de claro estancamento social pola aplicación de políticas conservadoras que impediron o avance na constitución nacional solidaria. Son anos perdidos de limitación da autonomía, nos que primou a simple xestión sobre a capacidade e potencialidade política real da sociedade galega, moitas veces limitándose a pór en marcha as políticas da UE", sinala o manifesto.
Neste sentido, e tras reivindicar o "papel protagonista" xogado polo Partido Comunista de Galicia no Estatuto de 1936 que permitiu a aprobación do de 1981, Esquerda Unida apela a elaborar un novo marco autonómico que poña o acento no emprego, sacar partida aos recursos de Galicia, superar a desigualadad e "afianzar a indentidad galega mediante a investigación, os valores históricos, culturais e lingüísticos".
Así as cousas, chama a que o debate "non quede reducido" ao ámbito parlamentario e abarque "amplos e diversos sectores da sociedade, sen exclusións".
Esquerda Unida non celebrou ningún acto con motivo do 25 de xullo este sábado. En anos anteriores, a federación de EU conmemoraba o Día de Galicia no Concello de Mugardos (A Coruña), gobernado ata o pasado mes de decembro por unha membro da organización, Pilar Díaz.
