A Xunta segue defendendo o labor das residencias DomusVi nas que morreron máis dun cento de anciáns
Segue sen resolver o expediente contra a residencia DomusVi San Lázaro tras varios meses de trámites.
- Piden que a Fiscalía e o Parlamento investiguen a xestión da pandemia nas residencias
- Sedados ata a morte e cambios en historiais clínicos, algunhas prácticas en residencias galegas con mortos Covid
Por Galicia Confidencial | Compostela | 17/08/2020 | Actualizada ás 13:46
A Xunta segue defendendo ao acontecido nas residencias privadas DomusVi, a pesar de que varios centros desta empresa, foron o epicentro das mortes de maiores en Galicia con máis de cen falecidos.
En rolda de prensa este luns, o director xeral de Maiores, Ildefonso de la Campa, cuestionado sobre o estado do expediente á residencia DomusVi de San Lázaro, en Santiago, unha das máis afectadas pola crise sanitaria, dixo non dispor desa información, aínda que "en xeral" o control está "normalizado".
Neste sentido, asegurou que non lle consta "ningún incumprimento" das instrucións nest nin noutras residencias, coas que a consellería mantén contacto permanente.
Hai uns días, a asociación Rede pedía a creación dunha comisión de investigación sobre o acontecido nas residencias tras publicar GC que maiores morreran sedados e sen a debida atención médica nestes centros. Unha petición que apoian BNG e PSdeG.
