Os socorristas da Coruña suspenden a folga convocada a partir do martes

Foi "tras conseguirse algúns avances coa empresa concesionaria".

Por Europa Press / Redacción | CORUÑA, A | 17/08/2020 | Actualizada ás 14:48

Comparte esta noticia

O persoal de salvamento das praias da Coruña acordou a suspensión da convocatoria de folga indefinida que se iniciaría este martes, "tras conseguirse algúns avances coa empresa concesionaria e a solicitude de mediación da autoridade laboral", informa a CIG.

Nun comunicado, a central sindical acolle con satisfacción que se inicien as negociacións, "o que non se conseguiu sen a loita das traballadoras e traballadores na defensa dos seus dereitos", sinala tras a concentración convocada por este colectivo a pasada semana.

Tamén avanza que, polo momento, acordouse coa empresa "anular as sancións inxustamente impostas, a reposición adecuada dos EPI, a concesión de medidas sociais e a solicitude de mediación á autoridade laboral para mediar sobre o correcto abono das horas extras".

Por iso, sinala que "á espera dunha pronta reunión para que se dea esa mediación e dunha adecuada resolución", acordouse deixar en suspenso a folga indefinida.

Socorristas. EUROPA PRESS - Arquivo
Socorristas. EUROPA PRESS - Arquivo

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta