O alcalde de Ferrol critica a "pouca axuda" da administración autonómica no inicio do curso

O alcalde de Ferrol, Ángel Mato, criticou a "pouca axuda" da administración autonómica no inicio do curso escolar, ao ser preguntado pola situación no municipio tras a firma dun convenio co presidente da Deputación da Coruña, Valentín González Formoso.

Preguntado, en particular, pola incidencia da COVID na área sanitaria de Ferrol, remarcou que é "unha das que menos contaxios presenta", aínda que subliñou o feito de que se estea "en cifras similares ás de maio".

No entanto, lembrou que "se están facendo agora máis probas e que a detección é máis rápida". Por outra banda, sinalou que, segundo lles trasladou desde a xerencia desta área sanitaria, non hai "signos de saturación" na mesma.

A pesar diso, reclamou "sentidiño" á cidadanía á que instou a cumprir as medidas sanitarias impostas para impedir "un repunte" e que se "sature o sistema sanitario".

Ángel Mato, alcalde de Ferrol, no seu despacho no concello.. EUROPA PRESS - Arquivo