Os servizos de emerxencia sufocan un vehículo que comezou a arder en Negreira

Os bombeiros do parque comarcal provincial de Santa Comba interviñeron na tarde deste domingo nun lume orixinado nun vehículo na localidade coruñesa de Negreira. A intervención consistiu na extinción do lume do automóbil e na retirada do mesmo da vía. No operativo tamén participou a Garda Civil.

Tal como informou o Consorcio Provincial Contraincendios e Salvamento da Coruña, os feitos ocorreron sobre as 17:00 horas no punto quilométrico 11 da estrada AC-546 á altura da parroquia de Bugalledo.