Aviso amarelo por choivas que deixarán máis de 40 litros por m2

Toda Galicia, fóra das franxas costeiras, está este domingo en aviso meteorolóxico por abundantes precipitacións, que poderán deixar máis de 40 litros por metro cadrado en 12 horas.

Segundo recolle a web de Meteogalicia, permanecen en alerta amarela desde medianoite o interior das provincias da Coruña, Lugo e Pontevedra, así como a totalidade da de Ourense.

En concreto, espérase que caian máis de 40 litros por metro cadrado de choiva en 12 horas na Coruña, Lugo e Ourense, aínda que se pode dar episodios "localmente fortes" de precipitacións no centro, sur e a montaña lucense, ademais do interior coruñés.

Así mesmo, están en aviso amarelo por acumulacións de máis de 15 litros por metro cadrado nunha hora o interior da Coruña e de Pontevedra, así como o centro de Lugo.

A Central de Atención ás Emerxencias 112 rexistrou, desde o 6 de xaneiro, un total de 1.200chamadas relacionadas con incidencias con motivo da situación meteorolóxica. A maior parte delas, tiveron que ver con alagamentos, bolsas de auga e. EUROPA PRESS - Arquivo | Fonte: Europa Press