O gromo con case un cento de afectados obriga a reducir a un 40% a actividade de Avigal

A empresa cárnica di que hai 52 traballadores contaxiados e o Sergas apunta a 96 casos. "Sempre se priorizou a saúde dos profesionais por diante da operativa comercial e a redución drástica da produción o evidencia", indica.

Por Europa Press / Redacción | SANTIAGO DE COMPOSTELA | 25/09/2020 | Actualizada ás 11:47

Comparte esta noticia

Avícola de Galicia (Avigal), a empresa de Cambados (Pontevedra) na que se detectou un brote de Covid-19 que afecta a case un cento de persoas, mantén a súa actividade aínda que reduciu a súa produción ao 40 por cento.

"Preferimos rebaixar a operativa da planta dunha forma drástica, aínda que iso nos traia perdas durante estas semanas, para poder garantir a distancia social entre os traballadores e que esta situación se solucione canto antes", explicou un portavoz da empresa a Europa Press.

Na actualidade na factoría avícola de Cambados traballaban 160 empregados. "Neste momento, en cada un das dúas quendas temos só 30", confirmaron por parte da empresa avícola.

A firma admite que no test realizados ao seu persoal saldáronse con 52 os traballadores con positivo por Covid-19. No entanto, as autoridades sanitarias elevan o brote a 96 casos tras a realización de 173 probas. O portavoz de Avigal considera que "ese incremento se debeu a unha cadea de transmisión externa, a contactos de familias e amigos".

A empresa asegura que non vai facer especulacións en canto ao lugar ou ao momento no que puido xurdir este brote. "Porque iso non o saberemos nunca", sinalan por parte de Avigal, que rexeitan que a orixe dos contaxios se sitúe no comedor da fábrica. "O comedor é unha zona que está ventilada e nel os traballadores mantiñan a distancia social", aseguraron.

"ROMPER A CADEA DE TRANSMISIÓN"

A través dun comunicado, Avícola de Galicia, ademais, informou este venres de que actualmente, na planta de Cambados extremáronse " aínda máis" os protocolos Covid-19. "Sempre se priorizou a saúde dos profesionais por diante da operativa comercial e a redución drástica da produción o evidencia", indica.

O principal obxectivo neste momento, engade a empresa, é "romper calquera posible cadea de transmisión entre os profesionais da planta", polo que xustifica a redución da súa actividade nun 60% para "poder incrementar o distanciamento social dentro a planta que ten no municipio" de Cambados, que, incide, "estaba en funcionamento desde o día 17 de agosto e, xa entón, fixéronse tests masivos a todo o persoal".

Avícola de Galicia segura que colabora "diaria e fluidamente" co servizo de Sanidade para poder normalizar a situación canto antes. E apunta que a maior parte dos positivos detectados son "asintomáticos ou presentan síntomas moi leves".

PLANTA EN PONTEVEDRA

Por outra banda, Avigal destacou que a operativa na planta que Avícola de Galicia ten en Campañó "é de total normalidade" e, actualmente, subliña, "non se detectou ningún brote de Covid-19" nela. "A loita contra a Covid-19 foi unha prioridade para Avícola de Galicia, non só no ámbito laboral, senón tamén no ámbito social", concluíu.

Sede de Avigal
Sede de Avigal | Fonte: avigal.com

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta