Por Europa Press / Redacción | SANTIAGO DE COMPOSTELA | 09/10/2020 | Actualizada ás 14:50
O expresidente do Goberno, Mariano Rajoy, cualificou de "letal" que se cuestione a figura do xefe do Estado e a Constitución en plena crise sanitaria e económica derivada da pandemia do coronavirus.
"Que haxa xente pretendendo revisar todo o que ocorreu en España no pasado e que haxa xente que estea a pór en cuestión a Constitución española, que nos deu os mellores anos de progreso da nosa historia é un disparate", manifestou.
Na súa intervención no foro 'Diálogos sobre o futuro' organizado pola fundación Empresa-Universidade Galega (FEUGA) en Santiago de Compostela, Rajoy asegurou que esta actitude supón "unha auténtica máquina de xerar desconfianza". E a desconfianza, na súa opinión, é "o peor" para a economía, o consumo e o investimento. Por iso, reivindicou a "estabilidade política" como "un dos factores que xera máis confianza".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.