Por E.P. | SANTIAGO DE COMPOSTELA | 15/10/2020 | Actualizada ás 18:32
O Concello de Ferrol destinará un total de 41.500 euros a financiar a actividade do museo de Exponav e fomentar o coñecemento da construción naval.
Precisamente, este xoves, o alcalde de Ferrol, Ángel Mato (PSOE), e o presidente por delegación da Fundación Exponav, o almirante xefe do Arsenal Militar de Ferrol, Antonio Duelo Menor, asinaron o convenio nun acto ao que asistiron o edil de Ferrol, Antonio Golpe, e o xerente da Fundación Exponav, José María Cardona.
Tras asinar o documento no salón de plenos do Concello, o rexedor asegurou que o Museo da Construción Naval de Ferrol "é único en España e responde moi ben ao que representa a cidade". "Por estar localizado en Ferrol, pola xestión que desenvolve a Armada, institución que se atopa na xénese da cidade, e pola actividade que recolle, a construción de barcos", indicou.
Así mesmo, puxo en valor que "o compromiso do Concello con Exponav é absoluto, co fin de dar a coñecer o museo e atraermás visitas".
DOS MÁIS VISITADOS EN GALICIA
Pola súa banda, Duelo Menor agradeceu ao alcalde a aportación municipal, "sen a cal non sería posible o mantemento de laFundación" e destacou a súa relevancia "desde o punto de vistacientífico, cultural e social".
O militar apuntou que se trata "dun dos museos máis visitados de Galicia" e apostou por seguir traballando deforma "conxunta" co Concello de Ferrol, co objetivode "impulsar a entidade".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.