Ana Miranda participa este sábado nun debate sobre a relación de Galicia e Portugal

Por E.P. | SANTIAGO DE COMPOSTELA | 16/10/2020 | Actualizada ás 10:42

Comparte esta noticia

A portavoz do BNG en Europa, Ana Miranda, participa este sábado xunto ao eurodeputado do Bloco de Esquerda (BE) Jose Gusmao nun debate para abordar distintos aspectos da UE e a Europa dos Pobos, que, con "unha óptica internacionalista e de esquerdas", ambas as organizacións defenden.

O coordinador do BNG en Portugal, Alberte Paz, será o encargado de moderar o acto que servirá para profundar nos vínculos xa existentes entre o BNG e o BE ao abordar asuntos que incumben tanto a Galicia como a Portugal.

Baixo o título 'Galiza e Portugal: que Europa queremos?', o debate, que se poderá seguir en directo polas redes sociais do BNG e a páxina web do BNG Portugal, persoas emigradas ao país luso poderán abordar tamén cos seus representantes en Europa cuestións como a situación dos traballadores transfronteirizos ou os sectores produtivos.

Miranda e Gusmão explicarán as distintas iniciativas conxuntas que ambas as formacións desenvolveron na Eurocámara, na defensa da modernización da rede ferroviaria de transporte de Vigo-Porto, impulso da Rede Natura común, en concreto no parque de Peneda-Xurés; na loita e prevención dos incendios; na defensa dos bens comúns e da seguridade laboral. Ademais, tamén se impulsaron iniciativas internacionalistas sobre o Sahara, Kurdistán e Palestina.

Ademais, no debate tamén se analizará o grao de desenvolvemento da Lei Paz-Andrade, unha normativa aprobada no Parlamento de Galicia que defende a aproximación das culturas galega e portuguesa, e o reforzo de estudo das linguas no ensino.

Ana Miranda, portavoz do BNG en Europa. © EUROPEAN UNION 2019 - SOURCE : EP / JAN VAN DE V / Europa Press
Ana Miranda, portavoz do BNG en Europa. © EUROPEAN UNION 2019 - SOURCE : EP / JAN VAN DE V / Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta