Por Europa Press / Redacción | SANTIAGO DE COMPOSTELA | 20/10/2020 | Actualizada ás 12:58
O arcebispo de Santiago de Compostela, Julián Barrio, apelou este martes á "unidade", á "colaboración" e ao "esforzo" para facer fronte á pandemia e á crise sanitaria e económica derivada da covid-19.
Julián Barrio pronunciouse deste xeito ao ser preguntado polos medios pola actual situación durante a súa participación na presentación da exposición 'Compostelá 1120-2020- Unha historia. Unha Sede', que conmemora os 900 anos da elevación de Santiago a sede arcebispal.
Na súa intervención, o arcebispo chamou á "unidade" e ao "esforzo" nun momento no que a pandemia sanitaria "está a angustiar" ás persoas "non só no aspecto físico da saúde, tamén no aspecto económico e no psicolóxico". "Está a angustiarnos noutros aspectos que condicionan a realidade da nosa vida", apuntou.
Para Julián Barrio "todos os esforzos son poucos" e pediu que ninguén deixe de "facer o esforzo" por "pequeno" que poida parecer. "Non hai esforzo pequeno cando se trata de colaborar á solución dunha realidade tan gravosa como a que estamos a ver", manifestou.
Ademais, preguntado pola afectación da crise sanitaria á celebración do próximo Ano Santo, considerou que se trata dunha cuestión que se "irá vendo" no "día a día". "Imos ver no día a día, coa nosa creatividade, a nosa preocupación e coa nosa inquietude a ver se somos capaces, se Deus quere e o apóstolo Santiago tamén nos vai a axudar, imos tratar de dar resposta ás necesidades e preocupacións que se nos vaian presentando", expresou.
O arcebispo avogou por dar "unha resposta adecuada" para que o Ano Santo póidase celebrar "coa maior sinxeleza" pero, á vez, "co maior esplendor" que se poida.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.