Por Iago Codesido | SANTIAGO DE COMPOSTELA | 29/10/2020 | Actualizada ás 22:00
Polémica no seo da Universidade polos cribados covid. O alumnado de Enfermaría, encargado de desenvolver as probas masivas levadas a cabo nas últimas semanas, vén de acusar á Consellería de Sanidade de telos traballando "sen compensación económica nin académica". O obxectivo, din, non é outro que tapar as "carencias" que o Sergas "vén de gañar a pulso", entre as que nomean a "eventualidade" e a "precariedade laboral".
O enfado do estudantado vén motivado porque as xornadas de traballo, de 9 horas, foron xustificadas polos Sergas aludindo á "falta de persoal titulado", segundo destacan nunha publicación de Instagram. Porén, o estudantado non dá crédito á versión de Sergas e acúsaos de "decidir non contratar a enfermeiros titulados", "descargando a tarefa nos estudantes do último curso".
Por riba, a denuncia dos estudantes oriéntase a que os cribados foron desenvoltos en horario de prácticas pero sen remuneración algunha, a diferenza das estadías en hospitais, polas que si reciben compensacións. Por riba, e segundo denuncian, o órgano dependente da Consellería de Sanidade estaría a limitar as prazas de estadías clínicas; cando as prácticas son necesarias para titular a carreira.
LIMITACIÓN DE PRAZAS
O caso dos alumos de 4º vén de ser especialmente criticado porque, cando "parecía volver de forma completa á actividade", a Consellería "prohibiulles estar en contacto con pacientes covid", feito que implicaría a redución das prazas dispoñibles. A prohibición do Sergas, pois, chegaría logo de ofrecer un posto ós mesmos estudantes para facer as probas serolóxicas, circunstancia na que, evidentemente, tamén hai risco de contacto con contaxiados por covid.
Ante esta situación, o estudantado do grao de Enfermería vén de botar man da asemblea aberta, un órgano constituído durante a folga do confinamento, para unir forzas contra os movementos da Consellería. A resposta ó Sergas estase a fraguar nunha campaña artellada baixo o hashtag #prácticas dignas. A publicación onde se resumen as críticas ó Sergas acumula xa máis de 1.300 mostras de apoio.
Ola @Xunta ! Moi ben os cribados nas universidades, pero o de empregar a alumnas de prácticas de 4 de enfermería para facelos xa non tanto #practicasdignas pic.twitter.com/fKhYK1FK8o
— Nerea (@Davilafn) October 27, 2020
O meu total apoio aos estudantes de 4° de enfermería da USC.
— a Alba (@Alba_Rguez) October 28, 2020
Non poden realizar prácticas clínicas polo risco do COVID-19, pero si os test do cribado da Universidade. Isto non é formación, é aproveitarse da situación duns estudantes para que lles saia gratis.#practicasdignas pic.twitter.com/1NbVNeTb1i
#practicasdignas @aae_usc pueden tenerlos 9h al día haciendo test gratis pero no pueden garantizarles prácticas de fin de curso por "su seguridad" pic.twitter.com/Ege6ExYAvd
— Marta Alén (@MartaAlnJorge) October 29, 2020
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.