Por E.P. | SANTIAGO DE COMPOSTELA | 04/11/2020 | Actualizada ás 12:44
A Dirección Xeral de Emerxencias e Interior da Vicepresidencia Primeira da Xunta activou unha alerta laranxa por temporal costeiro no noroeste e oeste da provincia da Coruña.
Segundo informou a Xunta nun comunicado, a Axencia Estatal de Meteoroloxía (Aemet) indicou que o fenómeno meteorolóxico adverso costeiro dará comezo na tarde deste mércores no noroeste e oeste da provincia da Coruña, por vento do noroeste de forza 8.
Por este motivo, e co fin de garantir a seguridade dos bens e das persoas, a Dirección Xeral de Emerxencias e Interior, a través do Centro Integrado de Atención ás Emerxencias 112 Galicia, informou da situación aos concellos das provincias afectadas; deputacións; servizos provinciais e agrupacións de voluntarios de Protección Civil e aos clubs náuticos, entre outros.
Ademais, lembra a importancia de manterse afastados da liña de costa; de diques, rompientes, espigóns, peiraos, praias, paseos marítimos e todas aquelas zonas que poidan ser varridas polo mar.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.