Por Galicia Confidencial | Barcelona | 09/11/2020 | Actualizada ás 13:35
Persoas vinculadas co restaurante galego de l'Hospitalet, O'Chispa Taberna Galega, estaría detrás do ataque con pintura contra o Palau da Generalitat deste domingo ao mediodía. Segundo avanzou o portal 324 da CCMA, trataríase dun grupo de cinco familias que traballan neste establecemento e que pasa unha grave crise económica debido ás restricións.
Varios dos manifestantes, de feito, traían camisetas negras co logotipo da empresa. A imaxe corporativa inclúe unha cruz celta, en referencia a Galicia, o que fixo crer inicialmente que podía tratarse dun grupo de extrema dereita, posto que ademais un colectivo fascista celebrou a acción vandálica en Telegram.
Portavoces do bar aseguraron a TV3 que están desesperados polo peche de bares e restaurantes e querían facer unha "posta en escena que chamase a atención sobre a situación de pequenos negocios" como o deles. Non querían, din, "facer dano aos axentes de Mozos d'Escuadra que custodiaban o edificio nin converter a protesta nun ataque directo á institución política". Tamén sosteñen que non teñen ningún vínculo coa extrema dereita.
De feito, o perfil de Instagram do restaurante colgou un vídeo no que alude a esta performance e que titula "Desangrando la hostalaría" e aseguran que usaron 50 litros de sangue. Catro dos manifestantes foron denunciados penalmente.
View this post on Instagram
¿Gústache esta noticia?Problemas cos comentarios?
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.
¿Gústache esta noticia?
- V Xornada Guerrilleira para lembrar o combate de Repil, na Pobra do Brollón
- Paula García, asesora de lactancia: "Todo é lactancia materna, é igual que saia dunha teta ou biberón"
- Pode un 600 circular pola autovía? un accidente na autovía do Salnés que deu moito que falar...
- Os detidos da 'Operación Vodka' fornecían motores de narcolanchas a grupos do Estreito
- Adxudicado o novo contrato do SAF en Santiago, "con máis horas de servizo e compromiso cos dereitos laborais"
- Compostela celebrará o 25 de abril cunha homenaxe ao cantautor luso José Afonso