Morre un tripulante da embarcación de prácticos de Marín tras un envorco

Un tripulante da embarcación de prácticos do porto de Marín faleceu este venres tras producirse un envorco.

Segundo informa Salvamento Marítimo, a embarcación de prácticos, chamada 'A Gaivota', que dá asistencia no porto envorcou con tres tripulantes a bordo.

Unha das persoas quedou atrapada, polo que foi necesaria a actuación de mergulladores para sacar o corpo do falecido. Pola súa banda, as outras dúas persoas foron rescatadas con vida.

Segundo explica o 112 Galicia, o accidente produciuse cando dúas embarcacións realizaban manobras de remolque no porto. Foron mobilizados, entre outros, Garda Civil, Policía Nacional e Local, así como a Autoridade Portuaria.

Marín | Fonte: terrasdepontevedra.org