A Real Academia Galega de Xurisprudencia pide recuperar "o respecto" polo Dereito
Por E.P. | Santiago de Compostela | 27/11/2020 | Actualizada ás 19:53
A Real Academia Galega de Xurisprudencia e Lexislación abriu o curso académico 2020-2021, cun discurso inaugural a cargo do catedrático de Filosofía do Dereito da Universidade de Santiago de Compostela (USC), Francisco Puy Muñoz.
Nunha apertura virtual do novo curso, o profesor Puy chamou a recuperar o respecto polo Dereito. "Os xuristas non nos podemos desentender porque quizá sexa este o momento de reflexionar, sen rendernos, sobre o tipo de sociedade que queremos".
"Sobre aquilo ao que podemos renunciar, porque é secundario, e sobre aquilo outro que, pola contra, debemos manter porque é imprescindible", expuxo.
Respecto diso, aludiu, como dato, a que "de seis millóns de sentenzas declarativas pronunciadas só se executan, xudicialmente, ao redor de mil", afirmou ao aludir a que a actual organización xudicial "dificulta" a administración de xustiza.
