Máis de 650 persoas foron identificadas nesta ponte por incumprir as medidas anticovid

A Policía Autonómica levantou durante a ponte un total de 101 actas de infraccións por incumprimentos relacionados con medidas fronte á pandemia en 213 operativos realizados en establecementos en 52 municipios galegos.

Segundo informa a Xunta nun comunicado, nestas actuacións identificouse por diferentes puntos de Galicia a 665 persoas nestes incumprimentos.

Entre outras cuestións, os axentes controlaron en establecementos abertos ao público, terrazas e espectáculos o uso de máscara, o cumprimento da distancia de seguridade, o aforamento e horario de locais.

A maior parte dos operativos, 53, realizouse en 13 concellos da Coruña: Ames, Boiro, Carballo, Cee, A Coruña, Dumbría, Ferrol, A Laracha, Muxía, Narón, O Pino, Santiago de Compostela e Teo. Estes saldáronse con 189 identificados e 48 denuncias.

Un home escribe na lousa dun mesón, en Santiago de Compostela, A Coruña, Galicia (España), a 4 de decembro de 2020. Hoxe reábrese a hostalaría en toda Galicia, aínda que en distinto grao en función dos datos dos contagios de coronavirus, e. Álvaro Ballesteros - Europa Press | Fonte: Europa Press