Catro novas vítimas por COVID aumentan a 1.445 as persoas falecidas en Galicia
Son dous homes e dúas mulleres, todos eles con patoloxías previas.
- Galicia, con 800 novos positivos, supera a súa marca ademais de subir os contaxios en todas as áreas agás Ferrol
- As cifras que indican que Galicia podería ter máis casos de covid dos que declara a Xunta
- Sánchez avisa a Feijóo de que non se prevén problemas de subministración coas vacinas
Por Europa Press / Redacción | SANTIAGO DE COMPOSTELA | 09/01/2021 | Actualizada ás 21:17
As autoridades sanitarias galegas comunicaron este sábado o falecemento doutras tres persoas diagnosticadas con covid-19, o que eleva a 1.444 as vítimas mortais vinculadas coa pandemia na Comunidade.
En concreto son unha muller de 96 anos falecida no HM Modelo-Belén da Coruña. No Complexo Hospitalario de Pontevedra rexistráronse dúas vítimas, unha muller de 77 anos e un home de 69. Por último no Hospital Comarcal de Verín morría un home de 87 anos. Este último foi validado na tarde do pasado sábado ás seis da tarde.
Por outra parte, a cifra de contaxios notificada este sábado implica pasar os 785, a anterior máis alta, que confirmara a Consellería de Sanidade o pasado 1 de novembro, pico da segunda onda. Cabe destacar que estes case 800 novos casos detectáronse nunha xornada na que tamén aumentaron as probas realizadas en máis de 2.000, ata situarse nas 8.390 PCR practicadas en 24 horas.
