Temas: RADIO GALEGA XORNALISTAS GALEGAS TVG RADIO TWITTER DATOS

A presenza das mulleres na información deportiva da TVG: 0 minutos

A asociación Xornalistas Galegas vén de comezar a través de Twitter unha revisión diaria dos contidos deportivos da TVG de cara a elaboral un #InformativoDeportivoEquitativo.

Por Galicia Confidencial | SANTIAGO DE COMPOSTELA | 13/01/2021 | Actualizada ás 21:45

“Os futbolistas teñen mozas moi belas, pero con cerebro de mosquito”. Esta expresión foi escoitada da boca dun xornalista no programa Galicia en Goles da Radio Galega mentres falaba sobre a festa dos xogadores do Sporting de Xixón que puido ser a orixe dun gromo de Covid. A frase, que provocou a indignación das redes durante estes días, foi o punto de arranque dun proceso de revisión da presenza das mulleres na información deportiva por parte da Asociación Xornalistas Galegas.

“Os futbolistas teñen mozas moi belas, pero con cerebro de mosquito”. Así reflexionaba un xornalista no Galicia en Goles @RadioGalega (24’36”) do luns sobre a festa dos xogadores do Sporting de Xixón que puido ter iniciado un gromo de coronavirus. Fío🧵 https://t.co/JPvSmR2F9J
— Xornalistas Galegas (@asxornalistas) January 10, 2021

Dende o comezo desta semana, a través de completos fíos de Twitter, Xornalistas Galegas analiza o reparto entre homes e mulleres na información deportiva do Telexornal Mediodía da TVG. No caso do día luns, 11 de Xaneiro, non houbo nin un só minuto no que se dera voz ás mulleres, fronte aos 12 minutos restantes nos que se falou de acontecementos deportivos protagonizados por homes.

Nunha segunda análise, correspondente ao día do martes, a presenza de mulleres tivo datos novamente ínfimos con respecto á dos homes. Ante esta realidade, Xornalistas Galegas non só denuncia a invisibilidade do deporte feminino senón que tamén adxunta as novas importantes do día sobre mulleres deportistas e clubs para demostrar como se constrúe un #InformativoDeportivoEquitativo.

👇Este foi o reparto de hoxe na información deportiva do Telexornal Mediodía entre homes e mulleres.
➡️ Como alternativa, estas son as deportistas e os clubs que propoñemos para un #InformativoDeportivoEquitativo
Dentro 🧵 pic.twitter.com/UF4H3gCy08
— Xornalistas Galegas (@asxornalistas) January 12, 2021

Tremendo fío, bravas! https://t.co/PFbT0TJhOV
— a Laura (@nai_rosapink) January 11, 2021

Temas: RADIO GALEGA XORNALISTAS GALEGAS TVG RADIO TWITTER DATOS

1 Galegos sempre

Eu son dos que digo que se teñen que ser todo mulleres nun sector, profesión..., que o sexan. Pero poñer para dar a imaxe como nalgúns programas da tv ejpañola mellor non. Non hai peor cousa que ver algo que non sabe nada dun tema, que a poñen porque é guapa, o cal é máis machista aínda. E hai presentadores igualmente patéticos. As persoas hai que poñelas polo que valen non por ser homes ou mulleres. Por certo, cada vez hai máis mulleres preparadas que homes, porque estudan e se esforzan. Noraboa para elas porque o merecen. Eu son home e alégrome por ver máis mulleres así é unha xustiza histórica que merecen.